Rusiyanın Kurqan şəhərində yüngül mühərrikli təyyarə trasa enib. Avtosfer.az xəbər verir ki, hadisə Kropani qəsəbəsində qeydə alınıb.

Məlumata görə, göyərtəsində 2 nəfərin olduğu “Elitar Sigma” tipli təyyarə, hələlik müəyyənləşdirilməyən səbəblərdən  Kurqan - Kurtamış şəhərlərini birləşdirən avtomobil yoluna təcili eniş edib.

Bildirilir ki, insident nəticəsində xəsarət alan olmayıb.

İlkin ehtimallara görə, təcili enişin səbəbi ya nasazlıq olub, ya da ki, yanacaq çatışmazlığı.

Hazırda Ural Nəqliyyat İdarəsinin əməkdaşları tərəfindən araşdırma aparılır.

Namiq Musayev