Yevlaxda yol qəzası olub. APA-nın məlumatına görə, hadisə Yevlax şəhərində 7 saylı məktəbin yaxınlığında baş verib. "VAZ 21O7" və "VAZ 2106" markalı minik maşınlarının toqquşması nəticəsində 4-ü Füzuli, biri isə Yevlax rayonundan olmaqla 5 nəfər xəsarət alıb.

Füzuli rayon sakinləri olan yaralılar - Mobil Hüseynov (1974), Ruhi Əsədli (1980), Elşən Əliyev (1985), Elnur Məmmədov (1977) və Yevlax rayon sakini Rahib Əliyev (1995) xəstəxanaya yerləşdiriliblər.

Faktla bağlı araşdırma aparılır.