Ginnesin rekordlar kitabına düşən Darius ləqəbli dovşan, tezliklə titulunu doğma oğlu Deyvə güzəştə gedə bilər. Avtosfer.az xəbər verir ki, 2010-cu ildə Dariusun çəkisi 22 kilo olub. Bu barədə “Metro” portalı məlumat verib.

Rekordsmenin oğlu Deyvin çəkisi isə artıq 25 kiloqramdan çoxdur. Onun boyu 120 santimetrə çatıb. İndi yalnız dovşan sahibinin yeni rekordu rəsmiləşdirməyi qalıb.

Bildirilir ki, Deyvi bu cür formada saxlamaq üçün gündəlik minimum 2 kök, yarım brokoli, bir qab kələm, ispanaq, iki böyük qab da dovşan yeməyi və alma yeməlidir.

Bu cür zəngin qida rasionu isə, heyvan sahibinə il ərzində 500 funt sterlinqə (1 132 manata) başa gəlir.

Namiq Musayev