Rusiyanın Samara əyalətində 3 nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə M5 "Ural" trasında qeydə alınıb.
Məlumata görə, 1989-cu il təvəllüdlü sürücü, idarə etdiyi "Chevrolet" markalı minik avtomobillə, hərəkətdə olan zaman, yolun əks zolağına çıxıb və qarşıdan gələn qoşqulu "DAF" markalı yük maşını ilə toqquşub. Zərbənin təsirindən yolun hərəkət hissəsinin irəliləyən "Chevrolet", "Toyota" markalı minik avtomobilinə çırpılıb.
Qəza nəticəsində hər iki avtomobildə, 1-i qadın olmaqla ümumilikdə 4 nəfər ölüb.
Faktla bağlı araşdırma aparılır.

Namiq Musayev