Rusiyanın Astraxan şəhərində hərəkətdə olan avtomobilin çuxura düşmə görüntüləri həvəskar kamera tərəfindən qeydə alınıb. Avtosfer.az xəbər verir ki, hadisə “Savuşkina” və “Akademik Koroleva” küçələrinin kəsişməsində baş verib.

Kadrlarda, “Lada Larqus” markalı avtomobilin hərəkətdə olduğu yolun qəfildən çökməsi və sürücü ilə birlikdə yaranan çuxura düşdüyü görülür.

Bildirilir ki, insident nəticəsində sürücü xəsarət almayıb və o, avtomobili ilə birgə, hadisə yerinə cəlb edilən xilasedicilər tərəfindən çıxarılıb. 

Yerli KİV-in məlumatına görə, mütəxəssislər çuxurun əmələ gəlməsinin səbəbini, səkkiz metr dərinlikdən keçən kanalizasiya xəttində yaranan gizli sızma ilə izah ediblər.

Şəhərin icra başçısı zərərçəkmişə söz verib ki, ziyan görmüş avtomobili hadisəyə səbəb olanların hesabına təmir ediləcək.

Namiq Musayev