Dağıstanda reys avtobusunun iştirakı ilə yol-nəqliyyat hadisəsi baş verib. Avtosfer.az xəbər verir ki, qəza avqustun 30-da gecə saatlarında Tarumovsk rayonu ərazisində qeydə alınıb. Bu barədə Respublikanın DİN-nin mətbuat xidməti məlumat yayıb.

Məlumata görə, “Kamaz” markalı yük maşınının qoşqusundan yol düşən təkər, Maxaçkala – Moskva reysini həyata keçirən, içərisində 45 sərnişinin olduğu avtobusa dəyib. Bundan sonra sürücünün idarəetməsindən çıxan avtobus yol kənarına aşıb.

Qəza nəticəsində 17 nəfər müxtəlif dərəcəli bədən xəsarətləri alıb.

Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırma aparılır.

Namiq Musayev