Şotlandiyada qoyun “Scottish National Texel Sale” hərracında rekord məbləğə satılıb. Avtosfer.az xəbər verir ki, teksel cinsindən olan “Double Diamond” ləqəbli qoyun 367,5 min funt sterlinqə (827,200 manat) alıcı tapıb. Bu barədə “Independent” nəşri məlumat yayıb.

Məlumata görə, heyvanın başlanğıc qiyməti 10,5 min funt (23,666 manat) təşkil edib. Üç alıcının təklif etdiyi son qiymət həm İngiltərə, həm də dünya üçün rekord həddə olub.

Bildirilir ki, ötən rekord 2019-cu ildə Şotlandiyanın Lanark şəhərində keçirilən auksionda 231 min funta satılan qoyuna məxsus olub.

Qeyd edək ki, teksel cinsi qoyunlar İngiltərədə ən populyardır. Onlar ətlərinin keyfiyyətinə və artımlı olduqlarına görə yetişdirirlər. Məhz bu xüsusiyyətlərinə görə də heyvanların qiyməti belə yüksəkdir.

Namiq Musayev