Türkiyənin Çorum şəhərində iki nəqliyyat vasitəsinin iştirakı ilə yol qəzası baş verib. Avtosfer.az yerli KİV-ə istinadən xəbər verir ki, hadisə "Kiçik Sənaye" küçəsində qeydə alınıb.

Məlumata görə, “Range Rover” markalı minik avtomobili, eyni istiqamətdə hərəkətdə olan yük maşınına arxadan çırpılıb.

Zərbənin təsirindən minik avtomobili deformasiyaya uğrayıb.

Qəza nəticəsində “Range Rover”in sürücüsü və sərnişini xəsarətlər alıb.

Yaralılar, hadisə yerinə çağırılan ambulanslarla xəstəxanaya çatdırılıblar. 

Faktla bağlı araşdırma aparılır.

Namiq Musayev