ABŞ-ın Kaliforniya ştatında yanğınla mübarizə aparan vertolyot qəzaya uğrayıb. Avtosfer.az xəbər verir ki, hadisə avqustun 19-da Koalinqa şəhəri yaxınlığında qeydə alınıb. Bu barədə ştatın meşə təsərrüfatı və yanğından mühafizə departamentindən məlumat verilib.

Məlumata görə, baş verən təbiət yanğınları ilə əlaqədar əraziyə cəlb edilmiş “Bell UH-1H” tipli vertolyot, yanğının söndürülməsində iştirak edən zaman hələlik məlum olmayan səbəblərdən qəzaya düşüb.

Bildirilir ki, hadisə vaxtı pilot göyərtədə tək olub və aldığı xəsarətlərdən dünyasını dəyişib.

Namiq Musayev