Rusiyanın Volqoqrad şəhərində marşrut mikroavtobusunun və minik avtomobilinin iştirakı ilə yol-nəqliyyat hadisəsi baş verib. Avtosfer.az xəbər verir ki, hadisə avqustun 18-də yerli saatla 11:20-də Lenin prospekti ilə Komsomol küçəsinin kəsişməsində qeydə alınıb.

Məlumata görə, 19 yaşlı sürücü idarə etdiyi “Toyota” markalı avtomobillə, hərəkətdə olan zaman ara məsafəsi saxlamayaraq “Ford” markalı sərnişin mikroavtobusu ilə toqquşub.

Zərbənin təsirindən mikroavtobus aşıb. Qəza nəticəsində 3-ü uşaq olmaqla, 7 nəfər müxtəlif dərəcəli bədən xəsarətləri alıb.

Yaralılar təcili tibbi yardım briqadasının köməkliyi ilə xəstəxanaya çatdırılıb.

Hadisə yerinə Yol Patrul Xidmətinin əməkdaşları cəlb edilib, araşdırmalar aparılır.

Namiq Musayev