Xəbər verdiyimiz kimi, ötən gün Samux rayonu ərazisində iki nəfərin ölümü ilə nəticələnən dəhşətli yol-nəqliyyat hadisəsi qeydə alınıb. Avtosfer.az xəbər verir ki, Samux rayonunun Çobanabdallı kəndində “Mercedes” markalı minik avtomobili və “NEW Holland TC-5050” markalı kombayn toqquşub. Hadisə zamanı minik avtomobilində sıxılmış vəziyyətdə qalan  1998-ci il təvəllüdlü Çağırqanov Elnur Vahid oğlu və 1996-cı il təvəllüdlü Süleymanzadə Ləman Nazim qızı həyatlarını itiriblər.

Dəhşətli qəza zamanı sürət o qədər yüksək olub ki, maşın kombaynın önünə dəydikdən sonra Elnur Çağırqanovun başı bədənindən qoparaq arxa oturacağa düşüb, qızın isə cəsədi tanınmaz vəziyyətdə olub. Hər iki cəsədi FHN-in xilasediciləri avtomobildən çıxarıb.

Qəzadan sonra məlum olub ki, həlak olan Elnur Çağırqanov hüquq-mühafizə orqanlarında çalışırdı, polis zabiti idi, Ləman Süleymanzadə isə polis serjantı idi və ASAN xidmət-də çalışırdı. 

Allah rəhmət eləsin!