Xızıda yol qəzası baş verib. Hadisə rayonun girişinə çatmamış hissəsində qeydə alınıb. Belə ki, hərəkətdə olan "Opel" markalı avtomobil "Toyota Prado" markalı avtomobilin yoluna çıxıb. Daha sonra "Toyota Prado" markalı avtomobil isə manevr edərək idarəetməni itirib və yoldan kənara çıxaraq aşıb.

Hadisə nəticəsində xəsarət alan olmasa da, hər iki avtomobilə ciddi ziyan dəyib.

Faktla bağlı araşdırma aparılır. ("Report")