Türkiyənin şərqində təhlükəsizlik xidmətinə məxsus təyyarə qəzaya uğrayıb. Avtosfer.az xəbər verir ki, hadisə iyulun 15-də axşam saatlarında Van əyalətində qeydə alınıb. Bu barədə “NTV” telekanalına ölkənin daxili işlər naziri Süleyman Soylu məlumat verib.

Nazirin sözlərinə görə, təyyarənin qalıqları əyalətin qərbində tapılıb. Qəza nəticəsində 2-si pilot olmaqla, ümumilikdə 7 nəfər dünyasını dəyişib.

Təyyarə Van və Hakkari əyalətlərində kəşfiyyat və nəzarət missiyası həyata keçirib.

Namiq Musayev