Rusiyanın Moskva şəhərində iki yeniyetmə qız avtomobil oğurlayaraq qəza törədib. Avtosfer.az xəbər verir ki, hadisə iyulun 12-də səhər saatlarında “Nijeqorodsk” küçəsində qeydə alınıb.

Məlumata görə, 2004 və 2005-ci il təvəllüdlü 2 azyaşlı qız “Dinamovsk” küçəsində “QAZ-3102” markalı avtomobili qaçırıb. Yolda bir müddət irəlilədikdən sonra ərazidə xidmət aparan yol patrul xidməti əməkdaşları onları fərq edərək “Saxla” əmri verib. Ancaq yeniyetmələr polisin tələbinə məhəl qoymayaraq hərəkəti davam etdirib. Polis əməkdaşlarının təqibdən qaçan qızlar, döngədə məsafəni düzgün nəzərə almayaraq “Volqa”nı yol kənarında park edilmiş “Nissan” markalı avtomobilə vurub. Zərbənin təsirindən “QAZ-3102” arxası üstə çevrilib.

Qəza nəticəsində xəsarət alan qızlar təcili tibbi yardım briqadasının köməkliyi ilə xəstəxanaya çatdırılıblar.

Bildirilir ki, azyaşlılar sükan arxasında sərxoş olublar.

Namiq Musayev