ABŞ-da 10 cıdır atı yol qəzasında ölüb. Avtosfer.az xəbər verir ki, hadisə iyunun 7-də gecə 03:00 radələrində Nyu-Cersi avtomagistralında qeydə alınıb. Bu barədə “New York Times” məlumat yayıb.

Məlumata görə, içərisində 10 ədəd cıdır atının olduğu TIR, Floridadan Nyu-Yorka gedərkən naməlum səbəblərdən sürücünün idarəetməsindən çıxaraq dəmir arakəsmələrə çırpılıb. Zərbənin təsirindən aşan yük maşını yanıb. Nəticədə 2 sürücü xəsarət alıb, 10 at isə yanaraq tələf olub.

Yaralı sürücülər xəstəxanaya yerləşdiriliblər.

Qəzanın baş vermə səbəbləri araşdırılır.

Namiq Musayev