Peruda ekvadorlu futbol azarkeşlərini daşıyan avtobus ağır yol qəzasına düşüb. Avtosfer.az xəbər verir ki, insident fevralın 15-də tərəfdarların Libertadores Kubokunun ikinci turunun "Sporting Crystal" - "Barselona" cavab görüşünün keçirildiyi Lima şəhərindən avtobusla qayıdarkən Piura şəhəri ərazisində qeydə alınıb. “El Universo” məlumat verib.

Məlumata görə, 50-dən çox azarkeşin olduğu avtobus hərəkətdə olan zaman naməluma səbəblərdən idarəetmədən çıxıb və 15 metr hündürlükdən uçuruma yuvarlanıb.

Nəticədə 8 nəfər dünyasını dəyişib, daha 30-u isə xəsarət alıb. Onlardan 12 nəfəri iki təyyarənin köməkliyi ilə Perudan Ekvadordakı xəstəxanalara çatdırılıblar.

Bildirilir ki, ölənləri cəsədləri isə bu gün ölkəyə gətiriləcək.

Qeyd edək ki, keçirilən görüş meydan sahiblərinin 2:1 hesablı qələbəsi ilə başa çatıb.

Namiq Musayev