Pakistanda marşrut taksisinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, hadisə Pəncab vilayətində qeydə alınıb. Bu barədə yanvarın 30-da “Sinxua” agentliyi məlumat yayıb.

Məlumata görə, hərəkətdə olan və 17 nəfərin olduğu  marşrut taksisi, sürücünün idarəetməsindən çıxaraq yol kənarındakı dirəklə toqquşub. Zərbənin şiddətindən nəqliyyat vasitəsində yanğın başlayıb.

Nəticədə maşında sıxışaraq qalan azı 11 nəfər dünyasını dəyişib, daha 6-sı isə xəsarət alıb. Yaralılar arasında 2-si qadın, biri isə uşaqdır, onların hamısı xəstəxanaya yerləşdiriliblər.

Qəza, sürücünün diqqətsizliyindən və yaxud da texniki nasazlıq səbəbindən baş verə biləcəyi ehtimal edilir.

Polis qəza ilə bağlı araşdırmalara başlayıb.

Namiq Musayev