Bakıda yol hərəkəti qaydalarını kobud şəkildə pozaraq hərəkət edən sürücü qəza törədib. Qəza anında çəkilmiş video sosial şəbəkələrdə yayılıb.
Avtosfer.az xəbər verir ki, hadisə paytaxtın Mirzəağa Əliyev küçəsində baş verib. Həmin küçədə hərəkət edən 99-UH-076 qeydiyyat nişanlı "Niva" markalı avtomobilin sürücüsü manevr qaydasını kobud şəkildə pozub. O, avtomobili qəfil sağa çəkərək qarşıdakı avtomobilləri sağdan ötməyə başlayıb. Bu zaman İslam Səfərli küçəsi ilə hərəkət edən "Mercedes" markalı avtomobillə toqquşub. Qəza nəticəsində hər iki avtomobilə ciddi ziyan dəyib.

Fərid