Rusiyanın Çelyabinsk əyalətində iki minik avtomobilinin iştirakı ilə ağır yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident yanvarın 2-də günorta saatlarında Aqapovsk rayonu ərazisində qeydə alınıb.

Məlumata görə, “VAZ-2107” markalı minik maşını, naməlum səbəblərdən “Hyundai” markalı minik avtomobillə toqquşub.

Nəticədə “07”də olan 4 nəfər hadisə yerində ölüb, “Hyundai”dakı 4 nəfər isə xəsarət alıb.

Yaralılar, hadisə yerinə çağırılan “təcili tibbi yardım” maşınları ilə xəstəxanaya çatdırılıblar.

Faktla bağlı araşdırmalara başlanılıb, qəzanın baş vermə səbəbləri araşdırılır.

Namiq Musayev