Rusiyanın Voloqodsk əyalətində iki minik avtomobilinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, dekabrın 29-da Moskva – Arxangelsk avtomagistralının 676-ci kilometrliyinin Verxovajsk rayonu ərazisindən keçən hissəsində qeydə alınıb.

Məlumata görə, adı açıqlanmaya sürücü idarə etdiyi “Ford Focus” markalı avtomobillə, naməlum səbəblərdən yolun əks zolağına çıxaraq qarşıdan gələn “Nissan Almera” markalı minik maşını ilə toqquşub. Nəticədə “Nissan”da olan 4 nəfər hadisə yerində vəfat ediblər. “Ford”akı sürücü ilə sərnişin isə müayinə üçün xəstəxanaya aparılıb.

Polis faktla bağlı təhqiqatlara başlayıb, qəzanın baş vermə səbəbləri araşdırılır.

Namiq Musayev