Rusiyanın Altay əyalətində iki minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə bu gün günorta saatlarında P-256 avtomagistralının Kosixinskiy rayonu ərazisindən keçən hissəsində qeydə alınıb.

Məlumata görə, qadın sürücü idarə etdiyi “Toyota” markalı minik avtomobillə, yolun əks istiqamətinə çıxaraq “VAZ 2107” markalı maşınla toqquşub.

Nəticədə hər iki sürücü, “Toyota”nın iki kişi sərnişini və “VAZ” da olan qadın sərnişin hadisə yerində vəfat ediblər.

Hazırda müvafiq qurumlar insidentlə bağlı təhqiqatlara başlayıblar.

Namiq Musayev