Tovuzda yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə Bakı-Qazax magistral yolunun rayonun Aşağı Quşçu kəndindən keçən hissəsində qeydə alınıb. Hərəkətdə olan “VAZ 21011” markalı minik maşını ilə “VAZ 2106” markalı avtomobil toqquşub. Qəza zamanı Qovlar şəhər sakini, 1993-cü il təvəllüdlü Tağıyev Məqsəd Mətləb oğlu və 1988-ci il təvəllüdlü Aşağı Quşçu kənd sakini Tağıyev İdrak Malik oğlu xəsarət alaraq xəstəxanaya yerləşdiriliblər. Yaralıların vəziyyətinin kafi olduğu bildirilir. Hadisə yerinə DYP əməkdaşları cəlb olunub.

Faktla bağlı araşdırma aparılır.