Bakıda piyadanın vurulması ilə nəticələnən yol-nəqliyyat hadisəsi baş verib. "Report" xəbər verir ki, hadisə Binəqədi-Balaxanı yolunda qeydə alınıb.

Belə ki, yolu keçmək istəyən 1976-cı təvəllüdlü Məmmədova Rəsiqə Ağadadaş qızını avtomobil vurub.

Yaralı təcili tibbi yardım briqadasının köməkliyi ilə xəstəxanaya çatdırılıb. 

Ona kəllə-beyin travması, döş qəfəsinin əziyi diaqnozu qoyulub.

Xəstə həkim nəzarətinə götürülüb, faktla bağlı araşdırma aparılır.