Saatlı rayonunda xəsarətlə nəticələnən yol qəzası baş verib. Avtosfer.az "Report"a istinadən xəbər verir ki, hadisə axşam saatlarında Qaranuru kəndində baş verib. Kənd sakini, 1990-cı il təvəllüdlü Bağırov Nemət Mübariz oğlu idarə etdiyi “VAZ-21011” markalı avtomobillə hərəkətdə olarkən həmkəndlisi, 1984-cü il təvəllüdlü Bəkirov Elşən Əhməd oğlunun idarə etdiyi traktorla toqquşub. Hadisə zamanı hər iki avtomobilin sürücü xəsarət alıb. Yaralılar Saatlı rayon Mərkəzi Xəstəxanasına çatdırılıb.

Faktla bağlı araşdırma aparılır.