Bakı-Qazax avtomobil yolunda 2 nəfərin xəsarət alması ilə nəticələnən yol qəzası olub. Avtosfer.az-ın "Report"a isitnadən məlumatına görə, magistral yolun 270-ci kilometrliyində, Yevlax rayon ərazisindən keçən hissədə "Nissan" markalı avtomobil idarəetmədən çıxaraq aşıb.

Qəza nəticəsində avtomobilin sürücüsü, Bakı şəhər sakini, 1988-ci il təvəllüdlü Ahu Zeynalova və sərnişin, Bakı şəhər sakini, 1966-cı il təvəllüdlü Afət Zeynalova xəsarət alıblar. Hər iki yaralı xəstəxanaya yerləşdirilib. Onların vəziyyətinin kafi olduğu bildirilir.

Faktla bağlı araşdırma aparılır.