Şirvan şəhərində avtomobil piyadanı vurub. Avtosfer.az-ın “Report”a istinadən xəbər verir ki, hadisə şəhərin “Elxanbulağı” adlanan ərazisində baş verib. Belə ki, “Mercedes” markalı minik avtomobili yolu keçmək istəyən və hələlik şəxsiyyəti məlum olmayan 50-60 yaş arasında olan piyadanı vurub.

İlkin məlumata görə, sürücü yaralını Şirvan Şəhər Mərkəzi Xəstəxanasına çatdırıb. O, Reanimasiya şöbəsinə yerləşdirilib.

Faktla bağlı araşdırma aparılır.