Zaqatala rayonunda piyadanı avtomobil vurub. Avtosfer.az-ın "Report"a istinadən məlumatına görə, hadisə bugün səhər saatlarında Yevlax-Zaqatala-Gürcüstan sərhədi yolunun, rayonun Yuxarı Tala kəndi ərazisindən keçən hissəsində baş verib. Belə ki, hərəkətdə olan "VAZ" markalı avtomobil yolu keçmək istəyən Əliabad qəsəbə sakini, 1962-ci il təvəllüdlü Hüseyn Ərəb oğlu Zaxarovu vurub. Yaralı Zaqatala rayon Mərkəzi Xəstəxanasına çatdırılıb, ona kəllə-beyin travması diaqnozu qoyulub.

Faktla bağlı araşdırma aparılır.