İstanbul şəhərində idarəetməni itirən 34 AZZ 578 nömrəli avtomobil 2 maşını vurduqdan sonra 5 mərtəbəli binanın birinci mərtəbəsindəki evə girib.

Avtosfer.az AzNews.az-a istinadən xəbər verir ki, hadisə 20:30 radələrində Esenyurtun Mehterçeşme məhəlləsi 1943 küçəsində baş verib.

Məlumata əsasən bildirilir ki, avtomobili sürən qadın olub. O, biri körpə olmaqla 2 uşağını maşına mindirərək yola çıxır və tıxac olduğundan idarəetməni itirir.

Hadisə yerinə təcili tibbi yardım və polis əməkdaşları gəlib.

Yaralılar xəstəxanaya aparılıb.

Qeyd edək ki, maşının girdiyi ev boş olub.