Bakının Binəqədi rayonunda minik avtomobili arakəsməyə çırpılıb. Avtosfer.az APA-ya istinadən xəbər verir ki, hadisə Ziya Bünyadov prospektində baş verib. Sürücüsünün adı hələlik naməlum olan "Mercedes" markalı minik avtomobili hərəkətdə olarkən qəfildən idarəetmədən çıxıb. Nəticədə nəqliyyat vasitəsi yol kənarındakı beton arakəsməyə çırpılıb və sürücü xəsarət alaraq xəstəxanaya yerləşdirilib.

Faktla bağlı Binəqədi Rayon Polis İdarəsində araşdırma aparılır.