Şamaxı rayonunda 3 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən xəbərinə görə, hadisə Şamaxı-Pirqulu yolunun Nağaraxana kəndi ərazisindən keçən hissəsində qeydə alınıb. Belə ki, "VAZ 2107" və "Mustang” markalı minik avtomobilləri toqquşub. Zərbənin təsirindən "Mustang" markalı maşın dərəyə yuvarlanıb.

Hadisə nəticəsində müxtəlif dərəcəli bədən xəsarətləri alan Şamaxı rayon sakinləri - 1991-ci il təvəllüdlü Güləliyev Rauf Ağagül oğlu, 1968-ci il təvəllüdlü Beydiyev Yaşar Ağasən oğlu və 1995-ci il təvəllüdlü Qəhrəmanov Cavanşir Mətləb oğlu Şamaxı Rayon Mərkəzi Xəstəxanasına yerləşdirilib.

Faktla bağlı araşdırma aparılır.