Bəyləqanda ağır yol-nəqliyyat hadisəsi baş verib. Daxili İşlər Nazirliyinin (DİN) mətbuat xidmətindən Avtosfer.az-a verilən məlumata görə, iyulun 30-da saat 11 radələrində Beyləqan rayonunun Mil qəsəbəsi ərazisində rayon sakinləri V.Abbasovun və H.Hüseynovun idarə etdikləri “VAZ-21015” markalı avtomobillər toqquşub. Nəticədə hər iki sürücü, habelə H.Hüseynovun 2 sərnişini xəstəxanaya yerləşdirilib, V.Abbasov orada ölüb. Beyləqan Rayon Polis Şöbəsi tərəfindən araşdırma aparılır.