Kürdəmir rayonunda traktor piyadanı vurub. Avtosfer.az "Report"a istinadən xəbər verir ki, hadisə Şıxımlı kəndində qeydə alınıb. Belə ki, Kürdəmir rayon sakini Telman Ağamirzə oğlu Əliyevi yolu qarşı tərəfə keçərkən nəqliyyat vasitəsi vurub. Yaralı Kürdəmir Rayon Mərkəzi Xəstəxanasının Reanimasiya şöbəsinə yerləşdirilib. Ancaq vəziyyəti ağır olduğundan daha sonra Bakı şəhərinə göndərilib.

Faktla bağlı araşdırma aparılır.