Sumqayıtda 2 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən məlumatına görə, qəza gecə saatlarında Bakı-Quba yolunun 43-cü kilometrliyində qeydə alınıb. Avtomobil yolunun Sumqayıtın Hacı Zeynalabdin qəsəbəsindən keçən hissəsində iki minik avtomobili toqquşub. Qəza nəticəsində 1986-cı il təvəllüdlü İsgəndər Paşayev və 1990-cı il təvəllüdlü Nizami Bayramov müxtəlif dərəcəli bədən xəsarətləri alıblar. Yaralılar dərhal təcili tibbi yardım maşını ilə Sumqayıt şəhər Təcili Tibbi Yardım Xəstəxanasına aparılıb, onlara tibbi yardım göstərilib.

Faktla bağlı araşdırma aparılır.