Nigeriyada yanacaq daşıyan maşının partlaması nəticəsində 30 nəfər ölüb, 60 nəfər isə xəsarət alıb. Avtosfer.az “RİA Novosti”yə istinadən xəbər verir ki, insident iyulun 1-i ölkənin cənub-şərqində yerləşən Benue ştatında qeydə alınıb. Bu barədə yerli “Vanguard” nəşri məlumat yayıb.

Hadisə şahidinin nəşrə verdiyi məlumata görə, yanacaq maşını yoldan çıxaraq aşıb. Bundan sonra yerli sakinlər çəndən tökülən yanacağı yığmaq üçün ora qaçıblar. Bu anda partlayış baş verdi. Partlayış o qədər güclü oldu ki yoldan keçən avtobusa da zərər vurub. Qəzada təxminən 30 nəfər ölüb, 60-dan çox insan yanıq xəsarətləri alıb.

Hadisə yerinə xilasetmə və səhiyyə briqadaları cəlb edilib.

Namiq