Bərdə rayonunda iki nəfərin xəsarət alması ilə nəticələnən yol-nəqliyyat hadisəsi olub. Avtosfer.az-ın "Report"a istinadən xəbər verir ki, rayonun Türkmən kəndi ilə hərəkətdə olan "VAZ-2106" markalı avtomobil idarəetməni itirərək yol kənarındakı irigövdəli ağaca çırpılıb. Nəticədə avtomobilin sürücüsü Pərviz Quluzadə və sərnişin Amil Məmmədov ağır xəsarət alıb. Yaralılar "təcili yardım" avtomobili ilə Rayon Mərkəzi Xəstəxanasının Reanimasiya şöbəsinə yerləşdiriliblər. Onların vəziyyəti ağırdır. Faktla bağlı rayon Polis şöbəsinin İstintaq bölməsində araşdırma aparılır.