Bakıda 2 minik avtomobili toqquşub, biri marketə çırpılıb. Avtosfer.az APA-ya istinadən xəbər verir ki, hadisə Nərimanov rayonu Həsən Əliyev küçəsində baş verib. Küçə ilə hərəkətdə olan 90-OX-623 dövlət nömrə nişanlı "Opel" markalı minik avtomobili qarşıdan gələn 90-HJ-369 dövlət qeydiyyatlı digər "Opel" markalı minik maşını ilə toqquşub. Zərbənin təsirindən 90-HJ-369 dövlət nömrəli "Opel" yaxınlıqdakı marketin divarına çırpılıb. İlkin ehtimala görə, sürücülərdən biri içkili olub. Faktla bağlı araşdırma aparılır.