Bakıda iki nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə Biləcəri qəsəbəsində baş verib. Belə ki, sürücü, 1961-ci il təvəllüdlü Qurbanov Ziyafət Yaqub oğlunun idarə etdiyi avtomobil hərbi şəhərcik ərazisində marketə çırpılıb. Hadisə nəticəsində iki nəfər – 1970-ci il təvəllüdlü Nəsirov Müşfiq Saməddin oğlu (qapalı kəllə-beyin travması, döş qəfəsinin əzilməsi – red ) və sürücü - Qurbanov Ziyafət Yaqub oğlu (qapalı kəllə-beyin travması -red) xəsarətləri alıblar. Yaralılar 1 saylı Kliniki Tibbi Mərkəzə yerləşdirilib.