Bakıda 1 nəfərin yaralanması ilə nəticələnən yol nəqliyyat hadisəsi baş verib. Avtosfer.az ONA-ya istinadən xəbər verir ki, hadisə Sabunçu rayonu Maştağa qəsəbəsində qeydə alınıb. Avtomobil yolu keçən piyada 1992-ci il təvəllüdlü Vahidova Günel Vahid qızını vurub.

Yaralı dərhal 3 saylı Şəhər Klinik Xəstəxanasına çatdırılıb. Ona sağ bazunun və çanaq oynağının əzilməsi diaqnozu qoyub.

Faktla bağlı araşdırma aparılır.