Göyçay rayonunda bədbəxt hadisə baş verib.

Avtosfer.az-ın APA-ya istinadla xəbərinə görə, hadisə bu gün saat 10:30-da rayonun Ləkçılpaq kəndində qeydə alınıb.

Kənd sakini, 69 yaşlı Kazımov Şəmsəddin Hacıağa oğlu həyətindəki hasarın yanında dayanmış özünə məxsus 10-KD-151 dövlət nömrə nişanlı "VAZ 2106" markalı minik avtomobilinə əyləşmədən ayaq üstə dayanaraq onu işə salıb. Həmin vaxt avtomobil qəflətən hərəkət edərək sürücünü divara sıxıb, avtomobilin qapısı Şəmsəddin Kazımovun başına xəsarət yetirib. O, hadisə yerində dünyasını dəyişib.