Goranboyda ölümlə nəticələnən yol qzəası baş verib.

APA-nın məlumatına görə, hadisə Xanqərvənd kəndi istiqamətindən keçən yolda baş verib.

İdarəetmədən çıxan minik maşını yol kənarındakı ağaca çırpılıb. Qəza nəticəsində 35 yaşlı Pərvin Abbasov hadisə yerində keçinib.

Maşında olan ailənin digər üzvləri - qadın və uşaqlar yaralı vəziyyətdə Gəncədə yerləşən klinikalardan birinə çatdırılıb.

Faktla bağlı araşdırma aparılır.