Meksikanın Verakruz ştatının Xalapa şəhərində ölümlə nəticələnən zəncirvari qəza baş verib.

Bu barədə Fövqəladə Hallar İdarəsinin regional şöbəsinin “Twitter” səhifəsində məlumat yerləşdirilib.

Qəzaya səbəb sərnişin avtobusu olub. Avtobusun 5 avtomobilə çırpılması nəticəsində 5 nəfər ölüb, 14 nəfər yaralanıb.

Qəzada 2 avtomobil tamamilə yararsız hala düşüb. Avtomobillərdən biri yanıb.

Yaralılar xəstəxanaya çatdırılıb, onların vəziyyəti barədə heç bir məlumat verilməyib.

İlkin məlumatlara görə, hadisəyə səbəb avtobusun əyləc sistemində baş verən nasazlıq olub.///Apa