Bakıda azyaşlının xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, hadisə Qaradağ rayonunda qeydə alınıb.

"QAZel" markalı avtomobil yolu keçən 2014-cü il təvəllüdlü Əliyeva Nəzrin Qalib qızını vurub. Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona baş, üz və bədənin digər nahiyələrinin çoxsaylı sıyrılmış yaraları diaqnozu qoyulub.

Hadisənin təfərrüatı araşdırılır.