Bakının Nərimanov rayonunda yol nəqliyyat-hadisəsi baş verib.

Avtosfer.az xəbər verir ki, Heydər Əliyev prospektində  99-SD-698 dövlət qeydiyyat nişanlı "BMW" markalı avtomobilin sürücüsü sükana nəzarəti itirib və nəqliyyat vasitəsi qarşıda hərəkət edən 10-CF-005 dövlət qeydiyyat nişanlı  "Range Rover" markalı avtomobilə çırpılıb.  Nəticədə hər iki avtomobilə ciddi ziyan dəyib.

Şahidlərin verdiyi məlumata görə, tərəflər arasında dava düşüb.Sürücülər yolun ortasında bir-biriylə əlbəyaxa olub.Əraziyə gələn yol polisləri və hadisəyə tamaşa etməyə yığışanlar onları sakitləşdirməyə çalışıb.

Qeyd edək ki, hadisəni törədən sürücü ərazidən uzaqlaşıb. Nəqliyyat hadisəsinin baş verdiyi ərazidə tıxac yaranıb. Yol patrul xidmətinin əməkdaşları yaranmış tıxacı aradan qaldırıblar. 

Faktla bağlı araşdırma aparılır.

Sözügedən görüntüləri təqdim edirik:

Nərminə Əli