Tanınmış alman-amerikalı memar Helmut Yan ABŞ-ın İllinoys ştatının Çicaqo şəhərində yol qəzasında həlak olub.
APA xəbər verir ki, bu barədə ABC telekanalı məlumat yayıb.
Şəhər Polis İdarəsinin rəisi Steven Miller bildirib ki, hadisə zamanı Helmut Yan velosipetdə olub. Qarşıdan gələn 2 avtomobilin toqquşması nəticəsində yaxınlıqda olan memar ölümcül xəsarət alıb.
“JAHN Architects” ofisinin rəhbəri 81 yaşlı memar Berlindəki “Sony Center” də daxil olmaqla, dünyada inşa edilmiş bir çox məşhur stadionlar, hava limanları və göydələnlərlə tanınır.