Pakistanın Sindh əyalətində avtobusun və traktorun iştirakı ilə ağır yol qəzası baş verib.

Avtosfer.az xəbər verir ki, hadisə Larkana bölgəsində qeydə alınıb.

Məlumata görə, toy mərasimindən qayıdan avtobus, traktorla toqquşub.

Zərbənin təsirindən avtobus aşıb.

Qəza nəticəsində 10 nəfər ölüb, 35 nəfər isə xəsarət alıb.

Yaralılar, hadisə yerinə cəlb olunan ambulanslarla ərazidə yerləşən müxtəlif xəstəxanalara çatdırılıblar.

Onlardan 20-nin vəziyyətinin ağır olduğu bildirilir.

Faktla bağlı araşdırma aparılır.

Namiq Musayev