Bakıda piyadanın xəsarət alması ilə nəticələnən yol-nəqliyyat hadisəsi olub.

“Report” xəbər verir ki, hadisə Nizami rayonunda qeydə alınıb.

Belə ki, 8-ci kilometr bazarının yaxınlığında avtomobil yolun piyadalar üçün nəzərdə tutulmayan hissəsindən keçən 1966-cı il təvəllüdlü Mirzəyeva Dilarə Rəşid qızını vurub.

D.Mirzəyeva xəstəxanaya çatdırılıb. Müayinə zamanı ona topuğun və qamış sümüyünün arxa kənarının yerdəyişmiş sınıqları diaqnozu qoyulub.

Faktla bağlı araşdırma aparılır.