Xəbər verdiyimiz kimi, Ukrayna Silahlı Qüvvələrinə məxsus An-26 hərbi-nəqliyyat təyyarəsi dünən axşam təlim uçuşu zamanı Xarkov vilayətinin Çuquyev şəhəri yaxınlığında qəzaya uğraması nəticəsində  25 hərbçi həlak olub.

"MediaPost" xəbər verir ki,  Ukraynanın Müdafiə naziri Andrey Taran açıqlamasında qəzaya ilkin səbəb kimi, texniki nasazlıq göstərib:

"Hansısa texniki nasazlıq yaranıb. Onun nədən ibarət olduğunu müəyyən edəcəyik. İlkin nəticəyə qara qutular deşifrə edildildikdən sonra gəlmək olacaq. Artıq bu gün səhər saatlarında təyyarənin qara qutuları tapılıb".

Qeyd edək ki, təyyarənin göyərtəsində 27 nəfər - 7 ekipaj üzvü və Xarkov Milli Hava Qüvvələri Universitetinin 20 kursantı olub. Hadisə nəticəsində 25 nəfər həlak olub, ağır yaralanan iki nəfər xəstəxanaya yerləşdirilib.