Bakının Sabunçu rayonunda yol-nəqliyyat hadisəsi zamanı iki nəfər xəsarət alıb.

APA xəbər verir ki, hadisə Zabrat qəsəbəsində qeydə alınıb.

Bəxtiyar İsmayılov idarə etdiyi "Mercedes" markalı avtomobillə hərəkətdə olan zaman qəfil 25 yaşlı İsmayılov Ənvər Eldar oğlunun idarə etdiyi "Lada Priora" markalı nəqliyyat vasitəsi onun qarşısına çıxıb. İki avtomobilin toqquşması zamanı sürücülər B.İsmayılov və Ə.İsmayılov müxtəlif dərəcəli bədən xəsarətləri alaraq 3 nömrəli şəhər klinik xəstəxanasına yerləşdiriliblər. Yaralılardan B.İsmayılov evə buraxılıb, Ə.İsmayılovun vəziyyəti ağır qiymətləndirilir.