Bakı şəhərinin Binəqədi rayonunda çoxmərtəbəli yaşayış binasının ikinci mərtəbəsində ümumi sahəsi 120 kvm olan üç otaqlı mənzilin bir otağının yanar konstruksiyaları və ev əşyaları 15 kvm sahədə yanıb.

Fövqəladə Hallar Nazirliyindən verilən məlumata görə, yüksək temperaturdan eyvanın plastikdən ibarət pəncərə çərçivəsi 6 kvm sahədə qarsalanıb.

Mənzilin qalan hissəsi yanğından mühafizə olunub.

Alov yanğından mühafizə bölmələri tərəfindən söndürülüb.