Cənubi Koreya Respublikasında marafon iştirakçılarının ölümü ilə nəticələnən ağır yol qəzası baş verib. Avtosfer.az xəbər verir ki, hadisə Seuldan 50 kilometr aralıda yerləşən İçhon şəhərində qeydə alınıb. Bu barədə iyulun 9-da “Yonhap” agentliyi polisə istinadən məlumat yayıb.

Məlumata görə, səhər saatlarında adı açıqlanmayan sərxoş sürücü idarə etdiyi minik avtomobillə, yol kənarında qaçan milli marafonun 3 iştirakçısını vurub. Qəza nəticəsində ağır xəsarətlər alan idmançılar, xəstəxanaya aparılarkən yolda vəfat ediblər.

Hüquq-mühafizə orqanları tərəfindən araşdırmalara başlanılıb.

Namiq Musayev